وحشتيني...
ولو كل اللي عارفينك قالولك إني منفعكيش، ولو كل اللي عرفني قالولي بكره تنسيني
ولو كل البشر قالوا اني انا عاصي، ده واد تلفان، كل يومين معاه واحدة، حتي فلان زعل وياه عشان واحدة، انا اصلاً مانيش يوسف ولو زوجة العزيز همت وقالت: هيت لك يا جميل، يجوز راح أميل، وممكن أضمها جهراً، يسيل من ضحكها نهراً، تدوب الاغنيات ف النيل ، لكن مهما هشوف وأطوف ومهما قابلت ناس وظروف.. هتبقي لوحدك القشة اللي جت علشان تنجيني... وحشتيني.. وحشتيني
ولو كل اللي عارفينك قالولك إني منفعكيش، ولو كل اللي عرفني قالولي بكره تنسيني
ولو كل البشر قالوا اني انا عاصي، ده واد تلفان، كل يومين معاه واحدة، حتي فلان زعل وياه عشان واحدة، انا اصلاً مانيش يوسف ولو زوجة العزيز همت وقالت: هيت لك يا جميل، يجوز راح أميل، وممكن أضمها جهراً، يسيل من ضحكها نهراً، تدوب الاغنيات ف النيل ، لكن مهما هشوف وأطوف ومهما قابلت ناس وظروف.. هتبقي لوحدك القشة اللي جت علشان تنجيني... وحشتيني.. وحشتيني
مفيش إنسان ملوش ماضي، مفيش راجل ملوش أخطاء، لكن دايماً ف نقطة ضعف، ونقطة ضعفي... هي أنتي
طول الوقت كنت بقول انا مبقتش عاوز شئ سواكي انتي، بحس معاكي إني مسيح، برائتك عاملة زي الريح بتكنس ف الغلط بهدوء، وببقي ف ضحكتك سكران، ومش عارف لا انام ولا أفوق
كان ف حل والله، كان ممكن أكون بالوقت زوج صالح، ماليش ف المسؤولية ساعات، ساعات طايش، لكن.. بالوقت كان ممكن أكون أحسن
تسامحيني ف غلط فالت، وأحلفلك بإني هصلح العدلة التي مالت، بلاش تمثيل عشان أصلاً صياعتي وفشلي من غيرهم مكنش يجوز تحبيني.. وحشتيني... وحشتيني..
طول الوقت كنت بقول انا مبقتش عاوز شئ سواكي انتي، بحس معاكي إني مسيح، برائتك عاملة زي الريح بتكنس ف الغلط بهدوء، وببقي ف ضحكتك سكران، ومش عارف لا انام ولا أفوق
كان ف حل والله، كان ممكن أكون بالوقت زوج صالح، ماليش ف المسؤولية ساعات، ساعات طايش، لكن.. بالوقت كان ممكن أكون أحسن
تسامحيني ف غلط فالت، وأحلفلك بإني هصلح العدلة التي مالت، بلاش تمثيل عشان أصلاً صياعتي وفشلي من غيرهم مكنش يجوز تحبيني.. وحشتيني... وحشتيني..
ف كل مكان..
ف كل مكان ف ذكري معاكي متسابة، بداية ف ايدك الطفلة بعدي معاكي ف الشارع
ملامحك، وانتي بتسمعي فيروز.. نهارك، وانتي بتواجهيه بشاي بحليب، حكاياتك ع أصحابك فلانة بتكرهك جداً، فلانة قالتلي متشفهوش.. كلام قولتيه وكان لازم ف وقت الجرح متقوليهوش..
أكيد دلوقتي بتقولي زمانه مولع الدنيا، بيغلط كل يوم عادي، خلاص فاكك بقي ومرتاح.. وانا والله ف قيودك طير من كتر ما اتقيد طلع له جناح
ف كل مكان ف ذكري معاكي متسابة، بداية ف ايدك الطفلة بعدي معاكي ف الشارع
ملامحك، وانتي بتسمعي فيروز.. نهارك، وانتي بتواجهيه بشاي بحليب، حكاياتك ع أصحابك فلانة بتكرهك جداً، فلانة قالتلي متشفهوش.. كلام قولتيه وكان لازم ف وقت الجرح متقوليهوش..
أكيد دلوقتي بتقولي زمانه مولع الدنيا، بيغلط كل يوم عادي، خلاص فاكك بقي ومرتاح.. وانا والله ف قيودك طير من كتر ما اتقيد طلع له جناح
أنا..
انا ف البعد متحاوط بطيف ريحتك ، انا ف البعد متحاوط بطيف ريحتك
ولسه لحد هذا الوقت فاكر شكل تسريحتك ( بالامارة وانتي ف البيت بتبقي عملاه ديل حصان وبيكون ناعم قوي من غير زيت) ، وتنهيدك، وشكل الساعة ع ايدك، طريقتك وانتي بتغني " بعيد عنك حياتي عذاب" ، حياتك ايه بعيد عني؟؟ يا أرض عرفتها فجأة، ودنيا لمستها بشويش، يا أطهر من رقم فلكي ف عداد اسمه أكل العيش، بتحكمي ليه ع غيابي؟؟ وف حضوري بتنسيني رفضتي ان انتي تتسابي، وفجأة أنتي اللي سبتيني.. وحشتيني...
انا ف البعد متحاوط بطيف ريحتك ، انا ف البعد متحاوط بطيف ريحتك
ولسه لحد هذا الوقت فاكر شكل تسريحتك ( بالامارة وانتي ف البيت بتبقي عملاه ديل حصان وبيكون ناعم قوي من غير زيت) ، وتنهيدك، وشكل الساعة ع ايدك، طريقتك وانتي بتغني " بعيد عنك حياتي عذاب" ، حياتك ايه بعيد عني؟؟ يا أرض عرفتها فجأة، ودنيا لمستها بشويش، يا أطهر من رقم فلكي ف عداد اسمه أكل العيش، بتحكمي ليه ع غيابي؟؟ وف حضوري بتنسيني رفضتي ان انتي تتسابي، وفجأة أنتي اللي سبتيني.. وحشتيني...
كأنك،،
كأنك ف الغياب أقرب، وجودك بيزيد إذا بعدتي، رصيد ناقص ف كل غياب، ووحدك ف الغياب زدتي
عرفتي ازاي..
عرفتي ازاي تشاركيني غنا التفاصيل.. بقيت متساب لكن شبطان :-(، شيطان طيفك ملاك ف شيطان، مخليني ف وسط الناس لكن وحدي، أشوف العمر بيعدي، وحسديني البشر ع ايه وانا بدونك؟؟ وايه الدنيا سوى عيونك؟! سوا حضنك ف وقت الخوف، يا عم الحاسد الطامع تعالي وشوف طلل راجل ف عز الليل بيسرد قصته لروحه، ويشكي جروحه ل جروحه، ويظهر للبشر باسم، يعيش وكأنه مطمن
شوفيلك حل ف غيابك.. يا إما رجوع من المبدأ، يا إما تقولي كيف أبدأ ف اي طريق ينسيني...؟؟
كأنك ف الغياب أقرب، وجودك بيزيد إذا بعدتي، رصيد ناقص ف كل غياب، ووحدك ف الغياب زدتي
عرفتي ازاي..
عرفتي ازاي تشاركيني غنا التفاصيل.. بقيت متساب لكن شبطان :-(، شيطان طيفك ملاك ف شيطان، مخليني ف وسط الناس لكن وحدي، أشوف العمر بيعدي، وحسديني البشر ع ايه وانا بدونك؟؟ وايه الدنيا سوى عيونك؟! سوا حضنك ف وقت الخوف، يا عم الحاسد الطامع تعالي وشوف طلل راجل ف عز الليل بيسرد قصته لروحه، ويشكي جروحه ل جروحه، ويظهر للبشر باسم، يعيش وكأنه مطمن
شوفيلك حل ف غيابك.. يا إما رجوع من المبدأ، يا إما تقولي كيف أبدأ ف اي طريق ينسيني...؟؟
وحشتيني.. وحشتيني...
ويشكي جروحه لجروحه :-(
ردحذففي كل مكان في ذكره معاكي متسابه
ردحذف