مقال بعنوان :الزيادة السكانية في مصر
أسئلة وجودية .. ووجودية جداً ومهمة جداً جداً .. وحان الوقت كي ندرسها ونبحث عن إجابات لها ..
هل يمكن استغلال المساحات الواسعة في مصر ؟؟ لماذا ترتكز الكتلة السكانية حول النيل ؟؟ هل هناك مصادر بديلة وكافية غير نهر النيل ؟؟ هل يمكن استصلاح الأراضي الصحراوية وزرعها ؟؟ كيف نهضت اليابان من كرثتها بعد قنبلة (هيروشيما ) ؟ إزاي الصين متقدمة قوي كده وعدد سكانها كتيييير جداً .... ؟؟
سجل الجهاز المركزي للتعبئة والإحصاء في مصر في عام 2017 ، بأن تعداد سكان مصر وصل إلى 104.2 مليون نسمة . منهم حوالي 9 مليون مصري خارج البلاد ( الغربة مرة ، بس ايه اللي رماك ع المر ) .
عدد سكان القاهرة وحدهم حوالي 10 مليون نسمة من السكان الأصليين في عام 2016 ( منذ عام من الآن ) غير الذين يسافرون يومياً منها وإليها فمعظم المصالح والأشغال تتمركز فيها ولما لا وهي القاهرة ؟!
نعم .. ؟! عاوز تقول ايه حضرتك .. ؟
عاوز أقول أن فيه زيادة سكانية ف مصر وعاوز أقول كمان أن تأثيرها مش بس بدأ يظهر ع المدن الكبرى زي القاهرة ، بل إنه بدأ يظهر على باقي المحافظات وامتد أثر ظهورها في القرى الصغيرة .. زحمة إني ويير ..
أي شارع دلوقتي فيه ناس كتير ، وزحمة كتير ومتعرفش تمشي حتى لو شارع مارة ف بلد صغير ، متستقلش بموضوع زحمة الشوارع لو انت ف مشوار وهتمشي كتير او لو بيتك في شارع ف منطقة زحمة ( عالطول دوشة وزيطة ) .
ده غير إن الزيادة السكانية ليها تأثير سلبي بشكل عام على البلد وهذا التأثير ينتقل حتى يصل إلى كل مكان صغير .
زيادة سكانية يعني زيادة عدد الأفراد ، مما يؤدي إلى ان الحكومة ملزمة انها توفر فرص عمل أكتر ( إذن نسبة بطالة أكتر ، إذن شباب بائس قاعد ع نواصي الشوارع أكتر .. وغالباً جرايم أكتر )
رواتب أقل .. نقصان نصيب الفرد من الخدمات العامة .. غير أنك مش هتعرف تتمتع بالخدمات أصلاً ولا بالأماكن .. الزحمة ببساطة بتفقد معاني وجمال الأشياء والأماكن حتى لو أماكن جميلة .
المدارس هتبقى زحمة ولما تبقى زحمة ، الطالب مش هياخد قدره الكافي من التعليم ( جودة التعليم هتقل أكتر )
صحة أقل ( بسبب عيانين أكتر )
مشاكل نقص المياه والطعام هتظهر أكتر
هنستورد طعام أكتر ( صرف فلوس أكتر ، اقتصاد ينهار )
ليست هناك تعليقات:
إرسال تعليق