واقع

الايام بقت شبه بعض مملة ورتيبة وبقينا نتلغبط فيها من كتر ما حافظينها، الواحد بيبقي مفكر ان النهاردة التلات ف حين ان النهاردة بيبقي الاربعاء ويفتكر الاربعاء هو الخميس واحساس عام بال..... اللي هو اشمئزاز وضيق لا نعرف سببه ولا مصدره ولكننا نعلم..
عارفين ان الكآبة اللي بنحس بيها دي بسبب اننا كل يوم بنروح نفس المكان اللي احنا مش حابينه أصلاً بس لازم نروحه لانه مكان دراستنا او عملنا.. وعاملين نفسنا عبط لاننا للأسف مضطرين نكمل ومعندناش شجاعة نخرج بره الطريق اللي الحياة رسمته لينا..
ونستني أجازة آخرة الاسبوع كل اسبوع، ولما الاجازة تيجي من خوفنا انها تخلص، بتعدي من غير ما نعمل ولا حاجة ونقضيها ف اللاشيء 

هنفضل نستني اللحظات الحلوة، اللي برة إطار روتينا اليومي، بس ده بيكون ع حساب اللحظة الحالية اللي احنا فيها..
وهكذا، وتمر الأيام من غير ما نحس.. لحد ما نتفاجئ ان العمر جري بينا وان المفروض احلي ايام حياتنا عدت من غير ما نحس..